يقول أحبك حيل و يعشق عشرين

يقول انا اعشقك ياشيخـه الزيـن ... ومهما ابكتـب فيـك ادري شويـه
دنيـاي لاشفتـك تزهـر بساتيـن ... وان غاب طيفك ذقت طعم المنيـه

اذوب انا يابنت من نظـره العيـن ... وتذبح قليبي شفاهـك النرجسيـه
يقول انـا وافـي وابيـك توفيـن ... ابيك انـا ويـاي صبـح ومسيـه

ويقول"احبك حيل"ويحب عشريـن ... ونفس الحكي قاله لهذي وذيـه .!!
هذا ترى هو حال شبابنـا الحيـن ... يا للأسف مـا عـاد فيـه حميـه

كثرة فتـن ولا هـي قلـة الديـن ... ولا البلا كله من ضعف البنيـه..!
يابنت مابه حب في وقتنـا الشيـن ... والله يحبـك لجـل غايـه دنيـه

لامن قضى يرميك وانتي تخسرين ... ومحدٍ ترى غيرك يكون الضحيـه
والله من حبي لك ابيـك تعرفيـن ... منهو يحبـك مـا يجـي بالخفيـه

دوسي على قلبـك ولا لا تبوحيـن ... ولايضعفك حكيـه وخلـك قويـه
و تعوذي باسم ربك من الشياطيـن ... والله يحفظك من كله زله وخطيـه

وحبي هلك..كـان بـودك تحبيـن ... وربعك وناسـك والوجيـه الهنيـه
والصاحب الصادق بالعسر والليـن ... ومنهو طلب ايدك بشمسٍ ضويـه

ذولا الـذي مـن حبهـم ماتمليـن ... ومايلحقك من دربهم شـر واذيـه
نظمت لك حرفي من واقـعٍ شيـن ... وقتٍ ردي ونفوس جشعـه رديـه

لاتفكري قولـي مجـرد تخاميـن ... ولامخاوف بايتـه بصـدر حضريـه
ولاانـا مالـي بـدرب المحبيـن ... ساقي كسرته لو وطى درب الخطيه

((سمعتي تسوى في عيوني ملاييـن ))... والله ما ارخصهـا مادمـت حيـه
وترى الحكي مقصور على الرديين ...(( و ادري به رجالٍ مارضت بالدنيه))

__________________

اللــــــــــه عليكــــــــ اللـــــــــــــــــه

صـــــــــــح لســـــــــانك الكلمات وايـــــــد حلــــــــــــوه



مشكـــــــــــور البلوشـــــــي ونتريا كل جديد لكـــــــ

تسلم اخوي ع المرور